ڕێگای دووری
ڕێگای دووریم گرتوه‌ته‌‌ به‌ر !
دوورکه‌وتمه‌وه‌ له‌ ده‌ور و به‌ر
دوور که‌وتومه‌وه له‌ ڕابردوه‌کان
به‌دوام که‌وته‌وه‌‌ بیره‌وه‌ریه‌کان
ڕێگا‌م گۆڕی ........
ڕێگایکی نێوم دیسان گرته‌ به‌ر
بیره‌وه‌ریه‌کان ... ‌له‌گه‌ڵم ما‌وه
وه‌ك کێوی سه‌هۆڵ که‌ ده‌توێته‌وه‌‌
به‌ته‌نیا به‌ری ئاوه‌که‌ی که‌وتم
ئێشو ئازاری ئه‌وسا هاته‌وه‌ بیرم
له‌و بیره‌وه‌ریم‌ دوور که‌وتمه‌وه‌
***
به‌پێی خاوس و به‌جلێکی دڕاو
نزیك بومه‌وه‌ له‌خانویکی ڕوخاو
گۆشه‌ی خانوکه‌ سرنجی ڕاکێشام‌
بۆیاده‌وه‌ری جاری جارانم
وه‌کو ئاوێنه‌ هاتنه‌ پێش چاوم
له‌ده‌ور و به‌رم دوور که‌وتمه‌وه‌
به‌ڵام ڕابردو له‌گه‌ڵم ماوه‌
دو باره‌ له‌سه‌ر دوو رێیانێك وه‌ستام
کام رێ بگرمه‌ به‌ر مامه‌وه‌ سه‌ر‌سام
به‌ڵام وادیاربو دونیا وه‌ك خۆیه‌
گۆران کاریه‌کان له‌من و تۆیه !!!!
***
کچێکم بینی منداڵ و ساوابو ...
خه‌مۆکی به‌ڕوخساریه‌وه‌ دیاربو..!!
جوانی چاوانی له‌ووێنه‌ی که‌م بو
ده‌رونی پڕ ووشه‌ و لێو داخرا بو ..
سکم پێی سوتا !!
ده‌سته‌کانیم گرت خستمه‌ ناو ده‌ستم
دققه‌تی نه‌دا .. باوشی پێ کردم
چاوی هه‌ڵ نه‌ده‌‌بری
ده‌نگی لی نه‌ده‌هات
پاش ماوه‌یه‌کی که‌م چاوی هه‌ڵبری ..
سه‌یری کردم که‌ منی بینی ....!!!
دوو ده‌سته‌کانی له‌نێو ده‌ستمدایه‌ ...!!
به‌ترسێکی زۆر هه‌ستایه‌ سه‌ر پێ
به‌ده‌نگی کز و ناسکی ووتی
گرفتاریی من که‌م نیه‌ زۆره‌ ‌...!!
دوورم لێ بگره‌ و برینم مه‌کولێنه
له‌ ده ‌سه‌ر خێزان به‌س من مامه‌وه
به‌ تاقی ته‌نیا ووێڵ و سه‌ر گه‌ردان
ئاه‌ و ناڵه‌ی من سکاڵه‌ی به‌ یه‌زدان‌‌
تکات لێ ده‌که‌م خاڵه‌ دوور که‌وه‌
خه‌یاڵه‌کانمان یه‌ك ناگرنه‌وه .!‌
یه‌ك ناگرنه‌وه‌ ...و یه‌ك ناگرێته‌وه‌
دووباره‌ هه‌ستام به‌دڵێکی شکاو ....
ڕێگای دووریم دیسان گرته‌به‌ر ......
دوور که‌وتمه‌وه‌ له‌که‌س و ده‌ور و به‌ر ..
محمود برزنجی
barzangy@hotmail.com 5/12/09